"Vətəndaş" İctimai Birliyinin sədri, tanınmış hüquq müdafiəçisi Günel Səfərova da deputatlığa namizədliyini irəli sürüb.
AZXEBER.COM xəbər verir ki, o 9 saylı Binəqədi ikinci seçki dairəsindən namizəd olub.
Günel Səfərova bildirib ki, yaşadığı ərazinin problemlərinə hər kəsdən çox bələddir:
"Milli Məclis seçkilərinə yaşadığım rayondan - 9 saylı Binəqədi ikinci seçki dairəsindən namizədliyimi irəli sürməyi planlaşdırıram. 30 ildir Binəqədi rayonunda yaşayıram, bu rayonun, seçicilərin problemləri ilə təkcə tanış deyiləm, mən də o problemləri yaşamışam, həm də onları həll etmək üçün çalışmışam. Mənim sosial bazam olan gənclər və dəstək qrupum seçkidə iştirakımı istəyir. Şəffaf seçki keçirilərsə, çox maraqlı seçki kampaniyası aparacağımıza və qalib olacağıma da əminəm. Bu seçkiyə 2015-ci ildən fərqli olaraq daha təcrübəli gedirik, komanda və yeni kampaniya ilə. Narahat dostlarıma xatırladım ki, əgər hər hansı xoşəgəlməz situasiya olarsa, mən o prosesdə olmayacam. Qələbə bizim olsun. Hər şey Vətəndaş üçün. Fərqimizi vətəndaş bilir".
Qeyd edək ki, Milli Məclisə seçkilər 2020-ci il fevral ayının 9-da baş tutacaq.
