Gürcüstanda fəaliyyət göstərən azərbaycandilli məktəblərin ibtidai sinif müəllimləri üçün birgə təlim proqramı hazırlanıb.
AZXEBER.COM xəbər verir ki, proqram Azərbaycan Respublikası Elm və Təhsil Nazirliyi ilə Gürcüstanın Təhsil, Elm və Gənclər Nazirliyi arasında əldə olunan razılaşma əsasında hazırlanıb.
Təlim proqramı Azərbaycan Respublikasının Təhsil İnstitutu (ARTİ) və Gürcüstan Təhsil, Elm və Gənclər Nazirliyinin tabeliyində fəaliyyət göstərən Müəllimlərin Peşəkar İnkişafı üzrə Milli Mərkəz (TPDC) tərəfindən birgə həyata keçiriləcək.
Proqram çərçivəsində Gürcüstanda fəaliyyət göstərən azərbaycandilli məktəblərin ibtidai sinif müəllimləri üçün müxtəlif təlim və kursların keçirilməsi nəzərdə tutulur.
Məlumata görə, cari ilin 17-24 avqust tarixlərində təlim proqramında və kurslarda iştirak etmək istəyən azərbaycandilli ibtidai sinif müəllimləri qeydiyyatdan keçə bilərlər.
