Gürcüstan Dövlət Təhlükəsizliyi Xidmətinin (DTX) keçmiş rəhbəri Qriqol Liluaşvili korrupsiya cinayətlərində təqsirli bilinərək 13 il müddətinə azadlıqdan məhrum edilib.
Bu barədə Tbilisi Şəhər Məhkəməsi bu gün qərar qəbul edib.
Məhkəmənin qərarına əsasən, Qriqol Liluaşvili ona qarşı irəli sürülmüş dörd epizod üzrə — uşaq bağçalarının idarə olunması agentliyi ilə bağlı cinayət əməllərinə, dələduzluqla məşğul olan "çağrı mərkəzləri”nin fəaliyyətinə himayədarlıq etməkdə və iqtisadiyyat nazirinin sabiq müavini Romeo Mıkautadzenin vasitəsilə rüşvət almağın iki epizodunda təqsirli bilinib.
