Göyçay çayı məcrasını dəyişdi - Subasma təhlükəsi yarandı
SOSİAL
16:50 19.10.2016
1664
Son günlər yağan güclü yağışlar nəticəsində yaranan sel həyatyanı səhələrə dolub və meyvə bağlarına ciddi ziyan vurub.
Göyçay çayın sağ sahilində rayonun Potu, Ulaşlışıxlı, Çərəkə kəndləri, sol sahilində isə Cəyirli, Qızılağac, Şəkili və Kürdşaban kəndləri yerləşir. Əsasəndə rayonun ən çox Potu, Ulaşlışıxlı, Qızılağac və Cəyirli kəndlərinə təsir edir.
Yerli sakinlərin sözlərinə görə, bu ərazilərdə bəndvurma işləri aparılmasa, çayın sahilinə yaxın yerləşən evlər sel sularının altında qala bilər: "Çayın sahilinə yaxın olan evlərdə subasma təhlükəsi yaranıb. Kənd sakinlərinə məxsus həyətyanı sahə və pay torpaqlarında əkilmiş meyvə ağacları sel sularının altında qalıb".
Göyçay Suvarma Sistemləri İdarəsinin mühəndisi Lətif Əliyev bildirib ki, artıq sahil bəndvurma işlərinə başlanılıb: "Bu istiqamətdə işlərə başlanılıb və Göyçay çayının şəhər ərazisindən keçən hissəsində sahil bəndvurma işləri aparılıb. Müəyyən vaxt ərzində həmin kənd ərazisində də sahil bəndvurma işləri aparılacaq".
Report.az
OXŞAR XƏBƏRLƏR
ƏN SON XƏBƏRLƏR
