“Simurq” bizdən öncə bir neçə tur idi ki, üç xala həsrət qalmışdı. Ona görə də Tovuza maksimum nəticə arxasınca gəlmişdi. Biz də bunu çox gözəl anlayırdıq. Elə buna görə də oyuna çox ciddi hazırlaşmışdıq”.

Qol.Az-ın müxbiri ilə söhbətində bu sözləri “Turan”ın baş məşqçisi Əfqan Talıbov Premyer Liqanın XII turunda “Simurq”la keçirdikləri oyun (1:1) haqda danışarkən bildirib.

O qeyd edib ki, meydança yaxşı durumda olmadığından atletik futbola üstünlük verə bilməyiblər: “İlk hissədə qapımıza demək olar ki, cəmi bir təhlükəli vəziyyət oldu. Rəqib də standart vəziyyət zamanı bundan istifadə edib qol vurdu. İkinci hissədə futbolçularım yuna daha yaxşı köklənə bilmişdi. Bunun da nəticəsində cavab qolunu vurub hesabı bərabərləşdirdik”.

“Turan” - “Simurq” oyunu sarı və qırmızı vərəqələrin bol olmasıyla yadda qalıb. Baş hakim Anar Salmanovun idarəçiliyi haqda danışan Ə.Talıbov bildirib ki, bu görüş həddindən artıq gərgin şəraitdə keçib: “Ola bilər məhz bu üzdən hakim əlini dəfələrlə cibinə salmağa məcbur oldu. Lakin mən ümumilikdə hakim idarəçiyilidən danışmaq istəməzdim. Biz meydana öz oyunumuzu oynamağa çıxırıq. Bunu futbolçularlma da demişəm. Futbolçulardan kimsə hakimlə mübahisə aparsa, onu nəinki əsas, heç “18”liyə də salmayacağam. Sonra isə həmin futbolçularu qovacağam. Mənə səbəb yox, oynayan futbolçu lazımdır”.

Ə.Talıbov hazırda Premyer Liqadakı 12 komandanın hamısının ilk “altılığ”a düşmək üçün mübarizə apardığını qeyd edib: “Bu məsələdə biz də əlimizdən gələni etməyə çalışacağıq ki, şansımızdan istifadə edək. Mən ilk “altılığ”a düşəcəyimə çox inanıram. Hazırda turnir cədvəlində komandalar arasındakı xal fərqinin azdır, bu da futbolçularıma əlavə stimul verir. Həmçinin özlərinə inamları daha da artır. Qış fasiləsində yeni transferlər edib komandamızı daha da gücləndirmək istəyirik”.