İordan çayının qərbində yerləşən Ramallahdakı Yunan Katolik Kilsəsinin baş keşişi Abdullah Yulio sui-qəsd nəticəsində öldürülən HƏMAS Siyasi Bürosunun sədri İsmayıl Haniyədən danışıb.
AZXEBER.COM xarici KİV-ə istinadən xəbər verir ki, baş keşiş Yulio Haniyə və digər ölən fələstinlilər üçün başsağlığı verib:
"Şəhidimiz İsmayıl Haniyə üçün başsağlığı veririk. Bütün şəhidlərimizə Allahdan sonsuz rəhmət diləyirəm. Şəhidlərin saf qanı vətəni qurdu. Uca Allahdan xalqımıza səbr, təsəlli və daha çox mətanət diləyirik ki, arzularımızın gerçəkləşdiyini görənə qədər yolumuza davam edək".
Yulio "Haniyənin sonu xalqına sadiq olan hər bir insanın taleyidir” deyərək hər bir fələstinlinin azadlıq yolunda şəhid ola biləcəyini vurğulayıb.
Xatırladaq ki, İsmayıl Haniyə İranın yeni prezidenti Məsud Pezeşkianın inaqurasiya mərasimində iştirak etmək üçün Tehrana gedib və andiçmədən sonra iqamətgahında sui-qəsd nəticəsində öldürülüb.
