Aparıcı, prodüser Tarix Əliyev televiziyalarda müğənnilər ilə aparıcılar arasında yaranan qalmaqallara münasibət bildirib.
AZXEBER.COM xəbər verir ki, o, sosial şəbəkə hesabında yayımladığı videoda bu haqda açıqlamalar edib.
"Müğənni heç bir aparıcıya diqtə edə bilməz" deyən Tarix Əliyev aparıcıları aciz olmaqda günahlandırıb:
"Düşünürəm ki, bu gün müğənnilər televiziya aparıcılarına diktə edə bilməzlər. Heç bir aparıcı qonaq müğənniyə, başqa bir müğənni haqqında sual verməkdən çəkinməməlidir. Efirin sahibi o an mənəmsə, istədiyim sualı da verə bilərəm. Televiziya bu gün hər kəsə lazımdır. Alimə də, həkimə də, şairə də, məmur da və ən çox da sənət adamlarına.
Amma bu gün efirlərdən bunu görürük ki, aparıcılar bəzən qonaq çağırdıqları sənət adamlarının qarşısında aciz duruma düşürlər və bu da efirdən pis görünür.
Əziz həmkarlar, çalışın öz evinizdə söz sahibi olun. Bu gün Azərbaycanda əlçatmaz müğənni yoxdur. Hansısa müğənninin fəxri adı, titulu onları toxunulmaz etmir. Statuslarda kimlərəsə söz ata bilirsinizsə, verilişdə də suala mərd cavab vermək lazımdır".
Daha sonra Tarix Əliyev hər müğənniyə öz ifa tərzinə görə yanaşmağın vacibliyindən danışıb:
"Biz aparıcılar gündəmə işləyirik. Amma bununla razıyam ki, hər müğənniyə öz sahəsi ilə bağlı sual vermək lazımdır. Məsələn, muğam oxuyan sənətçiyə elə muğam ifa edəndən sual verilməlidir. Çünki şou-biznes müğənnilərinin onlara heç bir aidiyyatı yoxdur. Düşünürəm ki, estrada müğənnisinə estradadan, xanəndəyə muğam, repə, rep, şansona da şansondan sual vermək lazımdır. Hər təbəqənin öz müğənnisi var".
Aysel
