Hindistanlı Lalit Ramın yeganə arzusu normal üz qurluşuna sahib olub evlənməkdir.
Genetik xəstəlik nəticəsində üzündə yaranan böyük şişdən sonra kənddə Rama hər kəs "Fil adam" deməyə başalyıb. Bu xəstəliyə görə heç kimlə ailə həyatı qura bilməyən Lalit Ram ümidini itirmədiyini deyib. 26 yaşlı oğlan həkimləri və imkanlı şəxləri ona kömək etməyə səsləyir. (teleqraf.com)
Ən yaxın dostunun buğa olduğunu deyən Lalit bəyəndiyi qızların ailələrinin ona "yox" cavabı verdiyini qeyd edib: "Ailələr mənə sanki bir qorxunc məxluq kimi yanaşır. Mənə heç qulaq asmaq istəmirlər və dedikləri ilk söz "Bu necə insandır Biz qızımızın onunla evlənməsinə icazə verə bilmərik" olur".
Həkimlər bu xəstəlikdən qurtulmağın yeganə yolunun əməliyyat olduğunu vurğulayır: "Xəstəlik artıq müalicə ediləcək mərhələni ötüb. Müalicə etsək də çox mənfi təsirləri ola bilər. Əməliyyat həyata keçirmək lazımdır". Həkimlər Lalir Ramın qısa müddətdə əməliyyat edilməli olduğunu, əks təqdirdə 23 yaşlı oğlanın kor olma ehtimalının artacağını bildirib.
