Hamilə qadını zorlayan həkim həbs edilib.
AZXEBER.COM xarici mediaya istinadən xəbər verir ki, Braziliyanın Rio-de-Janeyro şəhərindəki xəstəxanada anestezioloq işləyən həkim Giovanni Quintella Bezerra keysəriyyə əməliyyatı üçün narkoz verdiyi hamilə qadına təcavüz etməsi səbəbi ilə həbs edilib.
Braziliyada baş verən qalmaqallı hadisə dünya mətbuatında gündəm yaradıb. Rio-de-Janeyrodakı Mulher Heloneida Studart Xəstəxanasında baş verdiyi bildirilən hadisəyə görə, adı Giovanni Quintella Bezerra olaraq açıqlanan anestezioloq hamilə qadına təcavüz edib.
Həkimin zorlama anlarının da həkim köməkçisi tərəfindən lentə alındığı iddia edilib. Bu anlar hətta Braziliyada bir xəbər agentliyinə də göndərilib. Hadisənin üzə çıxmasından sonra polis qrupları Giovanni Quintella Bezerranın işlədiyi xəstəxanaya gedərək onu saxlayıb.
Müdafiəsiz şəxsə təcavüz etdiyinə görə cəzası ikiqat artırılan həkim hazırda 8 ildən 15 ilə qədər həbs cəzası ilə mühakimə olunur. Digər tərəfdən, həkimin təcavüzünü 10 dəqiqə davam etdirdiyi bildirilib.
Ayşən
