Məşhur aktyor Metyu Perri 2023-cü ilin oktyabrında evində ölü tapılmışdı.
AZXEBER.COM xarici mətbuata istinadən bildirir ki, ketaminin həddindən artıq dozası nəticəsində öldüyü isbatlanan Perrinin ölümündə ittiham olunan beş nəfərdən biri olan həkim günahını etiraf edib.
Ketamin klinikasının sahibi olan Mark Çaves ittihamları etiraf edib və buna görə onu 10 ilə qədər həbs gözləyir.
Xatırladaq ki, 54 yaşlı aktyor 2023-cü ilin oktyabrında Cənubi Kaliforniyadakı evinin həyətində ölü tapılmışdı. Perrinin üzərində aparılan yarılma nəticəsində qanında yüksək dozada ketamin olduğu və maddənin 'kəskin təsirləri' səbəbiylə həyatını itirdiyi anlaşılmışdı. Depressiya, narahatlıq və ağrıları müalicə etmək üçün istifadə edilən yüksək dozada ketamin qəbul etdikdən sonra dünyasını dəyişən Perri ölümündən bir neçə həftə əvvəl köməkçisindən ona ketamin verməsini istəyib və köməkçinin Perriyə 50 min dollar dəyərində ketamin çatdırdığına dair iddialar ortaya çıxıb.
Aysel
