Xalq artisti Yalçın Rzazadə sağlamlığı ilə bağlı problemlər yaşadığını deyib.
AZXEBER.COM-un məlumatına görə, yenicag.az-a açıqlama verən sənətçi səhhətindən danışıb:
"Öd kisəmlə bağlı problemlər yaşayıram. Qidama fikir verirəm ki, ağırlaşma olmasın. İnsanıq, bəzən adamın ürəyi nəsə istəyir, yeməyə məcbur olursan. Mən də pəhrizi pozanda problemlər yaşayıram. Dünən axşam yağlı yemək yedim, indi ağrıyıram. Əslində bu problemlərdən xilas olmaq üçün əməliyyat olunmalıyam, lakin qan təzyiqim yüksək olduğundan həkimlər buna icazə vermir. Ürəyimdə də müəyyən problemlər yaşadığımdan əməliyyata özüm də razı deyiləm”.
Y.Rzazadə yaradıcılığından da söz açıb. Noyabrda Heydər Əliyev Sarayında yaradıcılıq gecəsinin keçiriləcəyini bildirən sənətkar tədbirə hazırlaşdığını deyib.
