HƏMAS-ın hərbi qanadı İzzəddin əl-Qəssam Briqadaları İsrailin hücumları nəticəsində 3 məhbusun həyatını itirdiyini açıqlayıb.
AZXEBER.COM xarici mətbuata istinadən xəbər verir ki, Qəssam Briqadaları tərəfindən edilən yazılı açıqlamada anası Şerri Silverman Bibas, onun 10 aylıq oğlu Kfir Bibas və 4 yaşlı uşağı Ariel Bibasın İsrail bombardmanı nəticəsində öldüyü açıqlanıb.
Açıqlamada əsirlərin necə və nə vaxt öldüyü ilə bağlı detallar paylaşılmayıb.
HƏMAS-ın Telegram hesabından edilən açıqlamada Rusiyanın müdaxiləsindən sonra 2 rusiyalının sərbəst buraxıldığı bildirilib.
Bildirilib ki, azad edilən iki əsir Beynəlxalq Qızıl Xaç Komitəsinin rəsmilərinə təhvil verilib.
İsrail ordusu HƏMAS-ın yazılı açıqlamasından sonra açıqlama verib.
HƏMAS-ın bölgədəki bütün girovların təhlükəsizliyindən məsul olduğunu ifadə edən ordu edilən açıqlama ilə bağlı qiymətləndirmə mərhələsində olduqlarını bildirib.
Mikayıl
