İsrailin "Kan 11" telekanalı HƏMAS-la mümkün atəşkəsin miqyasını ortaya qoyub.
AZXEBER.COM xarici mətbuata istinadən xəbər verir ki, telekanalda İsrailin Qəzzanın yenidən qurulması və daimi atəşkəs yolu ilə Qəzzada girovların azad edilməsini təmin edəcəyi qeyd edilib.
Razılaşmaya görə, İsrail ordusunun Qəzzanın mərkəzindən, xüsusilə Nətzarim dəhlizindən çıxarılması planlaşdırılır. Hərbi məntəqələrin və obyektlərin çıxarılması da müqavilənin şərtlərindəndir.
Bundan əlavə, atəşkəsin ilk günündən başlayaraq gündə 600 yardım maşınının Qəzzaya daxil olmasına icazə veriləcək. Bu yardım yanacaq da daxil olmaqla, əsas ehtiyacları ödəyəcək.
Məhbusların mübadiləsi mərhələli şəkildə həyata keçiriləcək və qadınlara üstünlük veriləcək. HƏMAS ilk gün üç qadın girovu, yeddinci gün isə dörd girovu azad edəcək. Sonrakı həftələrdə hər yeddi gündə üç girov azad ediləcək və bu prosesdə diri girovlara üstünlük veriləcək.
Ən azı 50 fələstinli yaraqlının Qəzzaya və ya xaricə sürgün edilməsi planlaşdırılır. Danışıqlar zamanı bu sayın artırılması gündəmə gətirilib.
Dohada keçirilən danışıqlarda Natzarim dəhlizindən silahlı keçidin qarşısının alınması mexanizmləri ilə bağlı irəliləyiş əldə olunub. Sənəddə yer almasa da, Filadelfiya dəhlizi ilə bağlı danışıqların da irəlilədiyi bildirilir.
Qəzzanın yenidən qurulması üçün infrastrukturun təmiri, dağıntıların təmizlənməsi və ən azı 60 min karvan və 200 min çadır göndərilməsi kimi addımlar təsdiq edilib.
Sənəd may ayında təsdiqlənib və Dohada danışıqlar zamanı kiçik dəyişikliklər edilib.
Mikayıl
