Misirin paytaxtı Qahirədə İsrail və HƏMAS arasında aparılan danışıqlar nəticəsində razılığın əldə olunduğu açıqlanıb.
AZXEBER.COM xarici mediaya istinadən xəbər verir ki, israilli məhbuslarla fələstinli məhbusların cəsədlərinin eyni vaxtda azad ediləcəyi bildirilib.
Fələstinli məhbusların sərbəst buraxılması ilə bağlı ləngimələrə son verəcək həll yolu ilə bağlı razılığın əldə edildiyi deyilib.
HƏMAS nümayəndə heyəti razılaşmanın bütün şərtlərinə tam və ciddi şəkildə əməl olunmasına dair aydın mövqe tutduqlarını vurğulayıb.
Meyitlər əvvəlcə Misirə, sonra isə İsrailə təhvil veriləcək.
Qeyd edək ki, HƏMAS daha əvvəl atəşkəs razılaşmasının son mərhələsində 6 israilli məhbusu azad etmişdi, lakin İsrailin 620 fələstinli məhbusu azad etmək öhdəliyini yerinə yetirmədiyini açıqlamışdı.
HƏMAS və İsrail arasında əldə olunan razılaşmaya uyğun olaraq, israilli məhbuslarla fələstinli məhbusların cəsədləri eyni vaxtda azad ediləcək. İsrail mediası 4 israilli girovun cəsədinin təhvil verilməsi ilə bağlı razılığın əldə edildiyini açıqlayıb.
Mikayıl
