Şamaxı rayonunda həşərat sancan 14 yaşlı qız ölüb.
AZXEBER.COM APA-ya istinadən xəbər verir ki, hadisə Şamaxı rayonunun Quşçu kəndində qeydə alınıb. Kənd sakini, 14 yaşlı Ruqiyyə Adıgözəlovanı evlərində zəhərli həşərat sancıb. Xəstəxanaya yerləşdirilən R.Adıgözəlova orada ölüb.
Faktla bağlı araşdırma aparılır.
***
Hadisə ilə bağlı mərhumun nənəsi Region TV-yə danışıb. Dünyaxanım Məmmədova nəvəsinin anidən qışqırdığını deyib: "Yatıb, yatandan 10 dəqiqə sonra qışqırıb ki, ay dişlədi, dişlədi. Əli ilə qurdu da öldürüb".
Qeyd edək ki, Şamaxı rayon mərkəzi xəstəxanasının cərrahiyyə şöbəsinə yerləşdirilən Ruqiyyə Adıgözəlövanın vəziyyəti ağır olduğu üçün Bakı şəhərinə Toksikalogiya Mərkəzinə göndərilib. Buna baxmayaraq, xəstə 10 saatdan sonra dünyasını dəyişib.
