Həyat yoldaşı Nevin Torun tərəfindən 40 milyon TL təzminat tələbi ilə məhkəməyə verilən Cenk Torun xəyanət iddialarına cavab verib.
AZXEBER.COM Türkiyə mətbuatına istinadən xəbər verir ki, "Çılgın Bediş" serialındakı "Oktay" obrazı ilə yadda qalan Cenk Torunun iddiasına görə, həyat yoldaşı məhkəməyə təqdim etdiyi vəsatətdə özü və oğlu üçün aylıq 300 min lirə aliment, 40 milyon lirə maddi və mənəvi təzminat istəyib.
Müraciətdə Nevin Torun aktyorun evlilik tarixindən bu yana evlilikləri üçün heç bir maddi dəstək vermədiyini iddia edərək, bütün xərcləri özünün qarşılandığını bildirib.
İddialara görə bir müddət öncə Nevin Torun aktyorla həmkarı Mahassine Merabet arasındakı yaxınlıqdan narahat olduğunu dilə gətirsə də, ərinin menecerinin bunu nəzərə almadığı bildirilib.
Cenk Torun vəkili vasitəsilə həyat yoldaşının xəyanət iddialarına cavab verib. Torunun bəyanatında aşağıdakı ifadələr yer alıb:
"İctimaiyyətin nəzərinə. Cenk Torun ilə Nevin Torun arasında başlanan boşanma prosesi ilə bağlı məlumat vermək hüquqi baxımdan düzgün deyil. Boşanma üçün müraciət edən Nevin Torun haqqında əsassız "zina" iddialarına verdiyimiz bütün cavablar məhkəməyə sübutlarla təqdim olunub. Təbii ki, bu iddialar əsassız və ədalətsizdir".
Aysel
