Bundan sonra həyat yoldaşının telefonunu yoxlayan xanımları həbs və ya şallaq cəzası gözləyəcək.

Böyük Britaniyada nəşr olunan The İndependent qəzeti yazır ki, krallıqda həyat yoldaşının telefonunun yoxlanılması özəl həyatın toxunulmazlığının pozulması kimi qiymətləndirilir. Vəkil Məhəmməd əl-Temyat deyib ki, belə vəziyyətdə qadının taleyi ərinin əlində olacaq. O istəsə, xanımını məhkəmə qarşısına çıxara bilər.

Qeyd edək ki, Səudiyyə Ərəbistanında həyat yoldaşının telefonuna göz gəzdirən xanımların cəzalandırılması məsələsi bu kimi halların hədsiz çoxalması üzündən aktuallaşıb. Bəzən ərəb gənclərin qadınlarına iradları fayda vermədiyindən, onlar məsələnin çözümünü dini dairələrdə axtarıblar. Din xadimləri isə belə qərara gəliblər ki, qadının ərinin özəl həyatına müdaxilə etməsi günahdır və xəbərdarlığa məhəl qoymayan xanımlar cəzalanmalıdırlar.

/// atv.az