Hindistan ilə Nepalda daşqınlar və torpaq sürüşmələri nəticəsində 70 nəfər həlak olub, 11 nəfər itkin düşmüş sayılır.
Bu barədə "Reuters" yerli hakimiyyət orqanlarına istinadən məlumat yayıb.
Qeyd olunub ki, sentyabrın 25-dən 27-si səhərədək Hindistanın şimalındakı Uttar-Pradeş ştatına norma 7,6 mm olduğu halda, 66,5 mm yağıntı düşüb. Hindistanda ölənlərin sayı 56 nəfərə çatıb, 46 nəfər xəsarət alıb, 1000-dən çox evə ziyan dəyib.
Nepalın Energetika Nazirliyinin məlumatına görə, Mananq, Mustanq, Myaqdi və Baqlunq dairələrində elektrik enerjisinin verilişi tamamilə pozulub. Son hesabata əsasən, əlverişsiz hava şəraiti nəticəsində 14 nepallı həlak olub.
///report///
