Milli Məclisin İqtisadi siyasət, sənaye və sahibkarlıq komitəsində "Azərbaycan Respublikasının 2022-ci il dövlət büdcəsi haqqında” Azərbaycan Respublikası qanununun layihəsi birinci oxunuşda müzakirəyə çıxarılıb.
İclasda iqtisadiyyat naziri Mikayıl Cabbarov, maliyyə naziri Samir Şərifov, Mərkəzi Bankın rəhbəri Elman Rüstəmov, Əmək və əhalinin sosial müdafiəsi naziri Sahil Babayev və digər hökumət nümayəndələri iştirak edir.
Komitə sədri Tahir Mirkişili iştirakçıları salamladıqdan sonra bildirdi ki, düz bir il əvvəl Azərbaycan ordusu Qarabağı işğaldan azad etdi və möhtəşəm zəfər qazandı. T.Mirkişili böyük qələbə münasibətilə hər kəsi təbrik etdi.
Gündəliyi təqdim etdikdən sonra T.Mirkişili dedi ki, Milli Məclisin Sədri Sahibə Qafarovanın təşəbbüsü ilə büdcə müzakirələrində müxalifət partiyalarının nümayəndələri də dəvət olunub.
///musavat.com
