İran və Oman arasında Hörmüz boğazında gəmilərin təhlükəsizliyini təmin etmək üçün razılıq əldə olunub.
AZXEBER.COM "Azad İran"a istinadən xəbər verir ki, bu barədə İran XİN-in sözçüsü İsmayıl Bəqayi bəyan edib.
"Son iki həftədə gəmilərin hərəkət sxemi üzrə razılıq əldə olunub. Marşrutun müəyyənləşdirilməsi təhlükəsizlik və ətraf mühit amillərini əhatə edən texniki iş olduğundan, Xarici İşlər Nazirliyi ilə yanaşı, müdafiə sistemi və digər müvafiq qurumlar da prosesdə iştirak edib. Birgə bəyanat yekunlaşdıqdan sonra ictimaiyyətə məlumat veriləcək", - deyə o bildirib.
Bəqayi onu da əlavə edib ki, Hörmüz boğazındakı qeyri-sabitliyin əsas səbəbi ABŞ-nin qanunsuz hərəkətləri və müdaxilələridir.
