Azərbaycan Respublikası Gənclər və İdman nazirliyi, Müdafiə Nazirliyi Hərbi Dəniz Qüvvələri, İctimai Televiziya və "MZ" prodakşının təşkilatçılığı ilə həyata keçirilən "Vətən sağ olsun 4. Zəfər- başlayır!” layihəsinə start verilir.
AZXEBER.COM xəbər verir ki, hərbi vətənpərvərlik layihəsi ötən il "Vətən Sağ Olsun”-3 Xüsusi Tapşırıq adı ilə gənclər üçün reallaşdırılmışdı. Layihə rəhbərləri bu ilki "Vətən sağ olsun 4. Zəfər- başlayır!”-da da gənclərə layihədə aktiv şəkildə iştirak etməyə səsləyib:
"Qəhrəmanlıqlardan ruhlanan Azərbaycan gənci. Zəfər həyəcanını, əsgər qürurunu yaşamaq sənin də haqqındır! Hərbi təcrübəsi olmayan, yaşı 18-23 arası olan, üzməyi bacaran gənclər. Bu dəfə Xəzərin suları və onun ucsuz-bucaqsız sahili sizin üçün əsl şücaət meydanı olacaq. Diqqət vaxt məhduddur! Qeydiyyat 12 iyul tarixinə qədər davam edəcək. Müraciət üçün " https://mzproduction.az/ "saytına daxil olub göstərilən bölmədə qeydiyyatdan keçmək lazımdır”.
