Goranboyda ölümlə nəticələnən ağır yol qəzası baş verib.
APA TV-nin yerli bürosunun məlumatına görə, hadisə Bakı-Qazax magistral yolunun rayon ərazisindən keçən hissəsində qeydə alınıb.
Belə ki, hərəkətdə olan "Mercedes” markalı minik avtomobilinin sürücüsünün idarəetməni itirməni nəticəsində minik maşını "Qazel” markalı yük maşınına arxadan çırpılıb.
Qəza zamanı minik maşınında olanlardan 24 yaşlı Famil Məmmədli və 22 yaşlı Tamerlan Qasımlı hadisə yerindəcə dünyasını dəyişib. 22 yaşlı Eldəniz Babayev, 34 yaşlı Murad Rəhimov və 21 yaşlı Elxan Qocayev isə müxtəlif dərəcəli bədən xəsarətləri ilə Goranboy Rayon mərkəzi xəstəxanasına yerləşdirilib.
Yaralıların vəziyyətinin kafi olduğu bildirilir. Qeyd edək ki, qəzaya düşən şəxslər Sumqayıtdan Gəncə şəhərinə istirahət üçün gedirlərmiş. Faktla bağlı araşdırma aparılır.
