Müğənni Roza Zərgərli Lider TV-də yayımlanan "7 gün” verilişində qonaq olub.
AZXEBER.COM xəbər verir ki, Roza veriliçdə xaricdə uğur qazanan əməkdar artist Röyaya dəstəyini dilə gətirib:
"Bu yaxınlarda telekanalların birində deyirlər ki, Türkiyə estradasına gedib məşhur olmaq çətindi. Başa düşə bilmirlər ki, o insanlar da gedib bizim adımızdan çıxış edirlər. Bizim adımızı yüksəklərə ucaldırlar. Onların uğuru sənin evinin uğurudur. Bizim də evimiz Azərbaycandır. Bu yaxınlarda mənim üçün də əlamətdar olacaq və Rusiyada mükafat mərasimi keçiriləcək və orada mənə mükafat təqdim olunacaq".
Müğənni yaxın günlərdə hazır olacaq ikinci kitabının "Məcnunsuz Leyli” olduğunu bildirib:
"İkinci kitabım "Məcnunsuz Leyli” adlanır. Bəzilər yazır ki, bu Nizaminin əsəridir, bu haqda yazmağa dəyməz. Başa düşə bilmirlər ki, bu fəlsəfi kitab deyil. Bu kitab isə bioqrafikdir. Yəni kiminsə taleyindən bəhs edir. Məcnunsuz Leyli tənha qadından bəhs edir. Əslində bu kitab oğlanlarımın anasına həsr olunub. Oğlanlarımın anası çox acınacaqlı həyat yaşayıb. Fikirləşdim ki, ikinci bioqrafiq kitabımı onların talelərinə həsr edim. Bundan sonra maraqlı taleləri qələmə alacam".
Qeyd edək ki, "7 gün" verilişinin aparıcıları Könül Muxtarova, Arzu Həmzəyeva və Zaur Nəbioğludur.
Nazim Qasımzadə
AZXEBER.COM
