"Heydər Əliyevlə Vladimir Putinin ilk görüşü çox uzun çəkdi və görüşdən sonra atam mənə Putinin onda yaratdığı təəssüratdan danışdı".
AZXEBER.COM oxu.az-a istinadən xəbər verir ki, bu barədə "Putin” sənədli filmi üçün jurnalist Andrey Kondraşova müsahibəsində Azərbaycan prezidenti İlham Əliyev deyib.
"Əlbəttə ki, onları çox şey birləşdirirdi. Onlar bir məktəbdə oxuyublar - Leninqradda Dövlət Təhlükəsizlik Komitəsinin Ali Məktəbində. Bir-birini çox yaxşı başa düşürdülər”, - deyə Azərbaycan prezidenti bildirib.
Dövlət başçısı qeyd edib ki, Heydər Əliyevin fikrincə, "Azərbaycan Putinin simasında etibarlı tərəfdaş qazanıb”.
