Xəbər verdiyimiz kimi, Çeçenistanda keçirilən beynəlxalq təhlükəsizlik toplantısında iştirak edən Azərbaycan prezidenti Administrasiyasının rəhbəri Ramiz Mehdiyev respublikanın rəhbəri Ramzan Kadırovla görüşüb.
Kadırov böyük önəm verdiyi görüşlə bağlı məlumatı instagram hesabında paylaşıb:
“Ramiz Mehdiyev mənə Azərbaycan prezidenti İlham Əliyevin adından xüsusi hazırlanmış “Zəfər” silahı hədiyyə etdi. Hədiyyəni mən “Azərbaycan və Rusiya arasında dostluq əlaqələrinin möhkəmləndirilməsində göstərdiyim xüsusi xidmətlər”imə görə aldım.
Mehdiyev mənə İlham Əliyevin Azərbaycana səfərlə bağlı dəvətini çatdırdı”.
Çeçenistan prezidenti, həmçinin Ramiz Mehdiyevlə görüşdə azərbaycanlıların çeçenlərə müsbət münasibətindən, bu münasibətin Heydər Əliyevin timsalında təzahüründən bəhs edib. Eyni zamanda, Ramiz Mehdiyev də Kadırovun atasına layiq olduğunu bildirərək, xalqlar arasındakı münasibətlərin yüksək səviyyədə olduğunu vurğulayıb. (qafqazinfo)
