İlham Əliyev şəkil çəkdirdiyi Qarabağ qazisinə nə deyib?
SİYASƏT
13:53 20.06.2015
3322
Prezidentdən Qarabağ döyüşçülərinə növbəti jestBakıda keçirilən Birinci Avropa Oyunlarında 1-ci qrup Qarabağ qazisi (əlili) İlham Məhərrəmov könüllü olaraq fotoqraf kimi çalışır. O, bu yarışları işıqlandıran yeganə fotoqrafdır ki, əlil arabasındadır.Dünən İ.Məhərrəmovun prezident İlham Əliyevlə fotosu yayıldı.AzNews.az xəbər verir ki, qazilər.az İ.Məhərrəmovdan fotonun çəkilməsi məqamını soruşub:“Mən cənab Prezidentin fotosunu çəkmək istəyirdim, özü mənə yaxınlaşdı, fotoaparatı əlimdən alıb köməkçimə verib dedi ki, “bizim şəklimizi çək”. Onun mənimlə görüşünü, şəkil çəkdirməyini tribunadakı tamaşaçılar alqışlarla qarşıladı. Cənab Prezident dedi ki, mənimlə görüşəcək.”Xatırladaq ki, İ.Məhərrəmov 21 il əvvəl Qarabağ müharibəsində aldığı yaralar səbəbindən elə o vaxtdan əlil arabasındadır. Arabaçı TV-nin yaradıcısı olan qəhrəmanımız o zamanlar Qarabağa könüllü gedib, bu gün də Birinci Avropa Oyunlarında könüllü olaraq çalışır.
