Dünyada homoseksual kimliyini açıq şəkildə bəyan edən ilk imam Muhsin Hendriks Cənubi Afrikanın Qeberha şəhəri yaxınlığında silahlı hücum nəticəsində həyatını itirib.
AZXEBER.COM xarici mətbuata istinadən xəbər verir ki, Cənubi Afrika polisindən verilən açıqlamada Muhsin Hendriksin avtomobildə olarkən şəxsiyyəti məlum olmayan şəxslər tərəfindən pusquya salındığı bildirilib.
İki maskalı hücumçunun avtomobilə dəfələrlə atəş açdığı, Hendriksin isə arxa oturacaqda vurularaq öldürüldüyü bildirilir.
LGBTİ+ birliyi Hendricksin öldürülməsini pisləyən bəyanat yayaraq, səlahiyyətliləri qətli hərtərəfli araşdırmağa çağırıb.
Qeyd edək ki, Hendriks 1967-ci ildə Keyptaunda müsəlman ailəsində doğulub, böyüyüb. O, Pakistan İslam Universitetində ərəb və İslam hüququ üzrə təhsil alıb. 1991-ci ildə bir qadınla ailə qurub və üç övladı var. Lakin 1996-cı ildə boşanaraq gey olduğunu açıqlayıb. Bu açıqlama onun dini vəzifələrindən uzaqlaşdırılmasına və ailəsi ilə çətin dövrə girməsinə səbəb olub. Elə həmin il "The Inner Circle” təşkilatını qurdu və LGBTİ+ müsəlmanlarına dəstək verməyə başlayıb.
Aysel
