Pekin ABŞ prezidenti Donald Trampın tarif məsələsi ilə bağlı Çin prezidenti Si Tsinpinlə görüşməsi ilə bağlı iddialarını təkzib edib.
AZXEBER.COM xarici mətbuata istinadən xəbər verir ki, Çin Xarici İşlər Nazirliyinin sözçüsü Quo Ciakun Pekində keçirilən adi mətbuat konfransında məsələ ilə bağlı sualı cavablandıraraq, "Bildiyim qədər, iki ölkənin dövlət başçıları arasında son vaxtlar telefon danışığı olmayıb" deyib.
"Bir daha qeyd etmək istərdim ki, Çin və ABŞ tariflərlə bağlı heç bir məsləhətləşmələr və ya danışıqlar aparmayıblar", - sözçüsü Quo deyib.
Qeyd edək ki, ABŞ prezidenti Donald Tramp aprelin 25-də "Time” jurnalına verdiyi müsahibədə, daha sonra Papa Fransiskin dəfnində iştirak etməzdən əvvəl jurnalistlərə verdiyi açıqlamada Çin Dövlət Başçısı Xi Jinping ilə tariflərlə bağlı danışdığını iddia edib və detalların lazımi vaxtda açıqlanacağını bildirib.
Gülay
