İndoneziyanın Şərqi Nusa Tengqara əyalətindəki Levotobi Laki-Laki vulkanında püskürmə baş verib.
AZXEBER.COM xarici mətbuata istinadən xəbər verir ki, İndoneziya Vulkanologiya və Geoloji Fəlakətlərin Azaldılması Mərkəzinin məlumatına görə, əyalətin Şərqi Flores bölgəsindəki vulkanda ilki iyunun 18-də baş verən püskürmələr davam edir.
Yerli vaxtla saat 01:05-də Levotobi Laki-Laki vulkanında baş verən sonuncu püskürmə külü 18 kilometr hündürlükdə havaya göndərib.
Püskürmə zamanı əmələ gələn yandırıcı isti qaz buludları vulkanın yamaclarına doğru istiqamət alıb.
Kül əsasən vulkanın ətrafındakı kəndlərə yayılıb.
Gülay
