İndoneziyanın Şərqi Nusa Tenqqara əyalətində baş verən 7,7 bal gücündə güclü zəlzələ nəticəsində ölənlərin sayı 54-ə yüksəlib.
AZXEBER.COM xarici mətbuata istinadən xəbər verir ki, axtarış-xilasetmə qrupları zəlzələdən zərər çəkən ərazilərdə işlərini davam etdirir. Yüzlərlə yaralıya tibbi yardım göstərilir, dağıntıların miqyası və itkilərin sayı dəqiqləşdirilir.
Zəlzələ nəticəsində evlər və ictimai binalar dağılıb, minlərlə insan yaşayış yerini tərk etmək məcburiyyətində qalıb. Ən çox zərər görən ərazilər arasında Flores adasındakı Sikka və digər rayonlar yer alır.
Bölgədə afterşoklar davam edir. Bu isə xilasetmə işlərini çətinləşdirir və sakinlərin evlərinə qayıtmasına mane olur.
Uzaq ərazilərə yardım çatdırılması və insanların təxliyəsi üçün təyyarə, helikopter, quru və dəniz nəqliyyatından istifadə olunur.
Zəlzələ nəticəsində Manggarai Regional Xəstəxanasının da zərər görməsi səbəbindən Golo Dukal stadionunda səhra xəstəxanasının yaradılması üzrə hazırlıq işləri aparılır.
Gülay
