Böyük Britaniyadakı dörd beynəlxalq bank dövlət istiqrazları ilə bağlı həssas məlumat mübadiləsinə görə təxminən 105 milyon funt sterlinq məbləğində cərimələnib.
AZXEBER.COM Türkiyə mediasına istinadən xəbər verir ki, bu barədə Böyük Britaniya Rəqabət və Bazarlar Təşkilatı (CMA) açıqlama verib.
Açıqlamaya görə, banklarla kompromis əldə edilib və cərimə tətbiq edilməsi barədə qərar qəbul edilib.
Citi 17,16 milyon funt sterlinq, HSBC 23,40 milyon funt sterlinq, Morgan Stanley 29,70 milyon funt sterlinq və Royal Bank of Canada 34,20 milyon funt sterlinq cərimələnib.
Vəziyyəti CMA-ya bildirən Deutsche Bank cərimədən azad edilib.
CMA, bankların bu davranışın bir daha baş verməməsini təmin etmək üçün hərtərəfli uyğunluq tədbirləri tətbiq etdiyini açıqlayıb.
Qeyd edək ki, 2023-cü ilin may ayında CMA sözügedən 4 şirkətin və Deutsche Bankın rəqabət qaydalarını pozduğu qənaətinə gəlib.
Araşdırma zamanı məlum olub ki, 2009-2013-cü illər arasında investorlarla görüşlərdə onlar Britaniya dövlət istiqrazlarının qiymətlərinin müəyyən edilməsi ilə bağlı məsələlər barədə məlumat mübadiləsi aparıblar.
Oksana
