İngiltərəli futbol hakimi Devid Kut 2026-cı ilin yayına qədər diskvalifikasiya olunub.
Qurum FIFA referisini futbolun, xüsusilə UEFA-nın nüfuzuna xələl gətirməsi və ləyaqətli davranışın əsas qaydalarını pozması səbəbindən yarışlardan kənarlaşdırıb.
Ötən ilin noyabrında internetdə hakimin "Liverpul”un keçmiş baş məşqçisi Yurgen Klopp haqqında təhqiramiz fikirlər söylədiyini əks etdirən video yayılmışdı. Dekabrda isə D.Kut İngiltərə Peşəkar Hakimlər Assosiasiyası tərəfindən aparılan araşdırmalardan sonra istefaya göndərilmişdi.
Bununla yanaşı, hakimin 2024-cü ildə keçirilən Avropa çempionatı zamanı qadağan olunmuş maddələrdən istifadə etdiyi iddia olunurdu.
