AZXEBER.COM xarici mətbuata istindən xəbər verir ki, alimlər insanın yaşlanmasında xüsusi rol oynayan gen qrupunu aşkarladıqlarını iddia ediblər.
Daha əvvəl milçək və soxulcan kimi qısaömürlü canlılar üzərində aparılan tədqiqatlar yaşlanmanın əsasında hüceyrə zədələnmələrinin olduğunu üzə çıxarmışdı. Bu zədələnmələrin bir qismi genetik koddakı mutasiyalar və DNT uclarındakı qoruyucu başlıların qısalması səbəbindən yaranır. Ancaq bu canlılarda hüceyrə zədələnmələrini aradan qaldıran genlər mövcud deyil.
Alimlər bu dəfə isə uzunömürlü canlılar üzərində tədqiqat aparıblar. Bu canlılardan biri 500 ilə qədər ömür sürən "Arctica Islandica” molyusku olub. Bu canlı növünun DNT-si tədqiq olunarkən onda hüceyrə zədələnmələrini bərpa edən və zülal balansını saxlayan genlərin olduğu aşkarlanıb. Bu genlərin yaşlanmanı gecikdirməkdə və ömürü uzatmaqda xüsusi rol oynadığı bildirilir.
Aysel
