Bu haqda AZXEBER.COM-a universitetdəki mənbə məlumat verilib. Mənbənin dediyinə görə, işdən çıxarılan şəxslər keçmiş rektor Şəmsəddin Hacıyevə yaxın şəxslərdi: "Universitetin yeni rektoru Ədalət Muradov özündən əvvəlki rektora yaxın şəxsləri işdən çıxarır. Rektor müxtəlif bəhanələrlə 30-a yaxın insanı işdən çıxarıb".

 

Universitetdən kənarlaşdırılan şəxslər sırasında Azərbaycan Dövlət İqtisad Universitetinin (UNEC) rektorunun innovasiya və strateji inkişaf məsələləri üzrə məsləhətçisi Məhəmməd Cəmilov da var. Adıçəkilən şəxs UNEC-də bir çox innovativ layihələr həyata keçirib. Özünün müsahibəsində dediyinə görə, innovativ Biznes-İnkubator, Biznes Mərkəzi, Məzun Yarmarkaları, Məzun yarmarkaların Onlayn rejimdə təşkili, Karyera Mərkəzi, Virtual Müəssisə, "Bank işi” təlim laboratoriyası, "Maliyyə” təlim laboratoriyasında olan layihələrdə birbaşa iştirakı olub. Məhəmməd Cəlilovun işdən çıxarılması birbaşa Ədalət Muradovun tapşırığı ilə baş tutub və o keçmiş rektora yaxınlığına görə işdən çıxarılıb.

 

Mənbənin dediyinə görə, universitet daxilində fəaliyyət göstərən imtahan mərkəzində də köklü dəyişikliklər baş tutub. Belə ki, mərkəzin bir çox əməkdaşı işdən çıxarılıb. Buna səbəb isə universitetdə rüşvətin qarşısını almaq olub. Yeni rəhbərlik ilk növbədə islahatlara məhz bu nöqtədən başlayıb. İddiaya görə, Şəmsəddin Hacıyev özü rüşvət üçün bu adamlara zəmin yaradıb və bu səbəbdən mərkəz əməkdaşları işdən uzaqlaşdırılıb.  

 

Məsələylə bağlı İqtisad Universiteti ilə bağlı əlaqə yaratmağa cəhd etsək də, universitetin ictimaiyyətlə əlaqələr şöbəsi telefonlara cavab verməyib.