Azərbaycan Dövlət İqtisad Universitetinin (UNEC) tiktokerləri tələbələrlə görüşdürməsi tənqidlərə səbəb olub.
AZXEBER.COM xəbər verir ki, Nikosayağı adı ilə məşhur olan Nicat Şakirli, Sabir Samiroğlu və Zaur İskəndərov tələbələrlə görüşüb. Sual-cavab hissəsində onlar tələbələrlə söhbətləşiblər. Onlar çıxışları zamanı tələbələrə öz şəxsi təcrübələrində baş verən hekayələr danışıblar. Nicat Şakirli çıxışı zamanı imtahanda başqa bir nəfərdən yardım almasından, köçürməsindən söz açıb.
Sözügedən görüşdən sonra sosial şəbəkələrdə tənqidi statuslar paylaşılıb. Belə ki, istifadəçilər tələbələrlə tiktokerlərin görüşünün doğru olmadığını, tələbələrin daha çox nümunə götürə biləcəkləri şəxslərlə görüşməli olduqlarını qeyd ediblər.
