İranın Bəndər Abbas şəhərindəki Rəcai limanında baş verən partlayışlarda yaralananların sayı 1200-ə çatıb.
AZXEBER.COM "Unikal"a istinadən xəbər verir ki, bu barədə İran Qızıl Aypara Cəmiyyətinin sözçüsü Müctəba Xalidi açıqlayıb.
Onun sözlərinə görə, Qızıl Ayparanın 50 əməliyyat qrupu partlayışlar baş verən yerdədir və komandalar Fars, Buşəhr, Kirman, Sistan və Bəlucistan əyalətlərində də hazır vəziyyətdədir.
Hörmüzqan qubernatoru Məhəmməd Aşuri dünənki açıqlamasında ölənlərin sayının 40-a çatdığını deyib.
Qeyd edək ki, partlayışdan iki gün keçməsinə baxmayaraq, İranın Yayım Korporasiyası (IRCC) yanğının hələ də davam etdiyini bildirib.
