İranın xarici işlər naziri Hüseyn Əmir Abdullahian İsrailin İran Konsulluğunu hədəf almasının cavabsız qalmayacağını bildirib.
AZXEBER.COM xəbər verir ki, İrandan Suriyaya ilk yüksək səviyyəli səfər İsrailin İranın Dəməşqdəki konsulluğunu hədəf almasından sonra baş tutub.
İranın xarici işlər naziri Hüseyn Əmir Abdullahiyan regional səfəri çərçivəsində Suriyanın paytaxtı Dəməşqdə Suriyanın xarici işlər naziri Feysəl əl-Mikdad ilə görüşüb.
Görüşdə İsrailin İran Konsulluğunu hədəf almasının cavabsız qalmayacağını bildirən Abdullahiyan "İsrail rejimi cəzalandırılacaq və lazımi cavabı alacaq",- deyə bildirib.
Eyni zamanda Abdullahiyanın Dəməşqə səfəri zamanı İranın yeni konsulluq binasının açılış mərasiminin keçiriləcəyi bildirilib.
Abdullahiyan dünən İsrailin İran konsulluğuna hücumundan sonra regional tura çıxıb və onun ilk dayanacağı Oman olub.
O, Omandakı açıqlamasında "Konsulluğumuza hücum müharibənin bölgəyə yayılması üçün atılan təhlükəli addımdır. ABŞ məsuliyyəti öz üzərinə götürməkdən qaça bilməz,- deyə bildirib.
Nəzrin
