İslam Respublikasının birinci vitse-prezidenti Məhəmməd Möhbər İbrahim Rəisinin vəfatından sonra ölkə prezidentinin vəzifələrini icra edəcək.
AZXEBER.COM xarici mətbuata istinadən, Möhbər barəsində məlumatları təqdim edir:
Bundan əvvəl siyasətçi İranın Ali rəhbəri Xameneinin əmrlərinin icrası üzrə qərargahın rəhbəri vəzifəsində çalışıb. İranda koronavirusa qarşı vaksinin istehsalı onun nəzarəti altında aparılıb.
Bundan əlavə, Möhbər İran-İraq müharibəsinin iştirakçısı və İslam İnqilabı Keşikçiləri Korpusunda (İİKK, İran Silahlı Qüvvələrinin elit bölmələri) keçmiş həkimdir. Bu illər ərzində o, Xuzistan əyaləti qubernatorunun müavini və ölkənin ən böyük parastatal fondu olan Mustazefan Fondunun rəhbərinin müavini vəzifələrində çalışıb.
