İran Xarici İşlər Nazirliyinin sözçüsü İsmayıl Bekayi ABŞ-nin milli təhlükəsizlik müşaviri Maykl Valsın İranın nüvə proqramı ilə bağlı açıqlamalarına reaksiya verib.
AZXEBER.COM xarici mediaya istinadən xəbər verir ki, dinc nüvə proqramından İranın imtina etməyəcəyi deyən Bekayi "Nüvə proqramında heç bir lallıq göstərməyəcəyik" - deyib.
Livan hökumətinin İran təyyarələrinin Beyrut Beynəlxalq Hava Limanına enməsinə icazə verməməsi ilə bağlı danışan Bekayi deyib:
"Ən yaxşı qərar İran və Livan arasındakı qarşılıqlı maraqlar nəzərə alınmaqla verilməlidir. Üçüncü tərəflər bu iki ölkənin maraqlarına xələl gətirməməlidir. Bu məsələ ilə bağlı danışıqlar davam edir və ümid edirəm ki, iki ölkənin xalqının mənafeyini nəzərə alan ağlabatan həll yolu tapılacaq".
İranın Suriyaya münasibətində heç bir dəyişiklik olmadığını vurğulayan Bekayi "Suriya xalqının gələcəyini xarici müdaxilələrdən asılı olmayaraq yalnız Suriya xalqı təyin etməlidir. Suriyanın sabit, təhlükəsiz və terrordan azad olması bölgə və bütün ölkələr üçün faydalıdır" - deyə vurğulayıb.
Qeyd edək ki, ABŞ-nin təhlükəsizlik müşaviri Maykl Vals ötən gün verdiyi açıqlamada İranın heç vaxt nüvə silahına sahib ola bilməyəcini deyib və Trampın yalnız Tehranın nüvə proqramını tamamilə ləğv etməsi şərti ilə İranla danışıqlara açıq olduğunu bildirib.
