28-29 noyabr tarixlərində Rusiyanın Sankt-Peterburq şəhərində MDB ölkələrinin gənclər parlamentinin ikinci toplantısı keçirilib.
AZXEBER.COM xəbər verir ki, tədbirdə Milli Məclisin deputatı, MDB Parlamentlərarası Gənclər Assambleyasının əlaqələndiricisi Sevinc Fətəliyevanın rəhbərlik etdiyi nümayəndə heyəti tərkibində “İrəli” İctimai Birliyinin Nəzarət Təftiş Komissiyasının sədri Xəqani Fərəcov, Azərbaycan Gənclər Təşkilatları Milli Şurasının baş katibi Seymur Hüseynov, Rusiyanın Azərbaycanlı Gənclər Təşkilatının (AMOR) İdarə Heyətinin üzvü Emin Hacıyev iştirak ediblər.Sankt-Peterburqda Gənclər Parlamentlərarası Assambleyasının ikinci iclasında il ərzində təşkilatın fəaliyyəti, MDB ölkələrində gənclər siyasəti mövzularında məruzələr dinlənilib.“İrəli” İctimai Birliyinin Nəzarət Təftiş Komissiyasının sədri X.Fərəcov toplantıda “Azərbaycan gənclər siyasəti” mövzusunda məruzə ilə çıxış edib.Toplantının ikinci hissəsində gənc parlamentarilər gələcək fəaliyyət planını müzakirə edib, yeni ideya və təkliflər ətrafında fikir mübadiləsi aparıblar.
