“İRƏLİ” Hüquq Mərkəzi,“Nurgun Motors”,Dövlət Yol Polisi İdarəsi, “Modern Marketing Group” və “Avtostop” tele-radioverilişinin birgə əməkdaşlığı ilə keçirilən “Avtosfera-2” layihəsi uğurla davam edir.
“İRƏLİ” Gənclik Mərkəzində baş tutan təlimlər həftədə iki dəfə keçirilir və ümumilikdə 100 nəfər gənci əhatə edir.Layihə müddətində təhlükəsiz sürücü, dönmə əməliyyatı və icazə verilən maksimum hərəkət sürətləri, nizamlayıcının göstərişləri,qəza nişanları, minik avtomobillərinin idarə olunması və bu kimi digər mövzulardagənc mütəxəssis Nahid İbrahimovtərəfindən iştirakçılara ətraflı məlumat verilir.
“Avtosfera-2”layihəsi çərçivəsində nəzəri təlimlər başa çatdıqdan sonra, iştirakçılar“Nurgun Motors” şirkətinin dəstəyi ilə sürücük üzrə praktiki təlimlərdə iştirak edəcəklər.
Layihənin yekunu olaraq bağlanış mərasimi sentyabr ayında baş tutacaq və uğur qazanan iştirakçılara diplom və hədiyyələr təqdim olunacaq.
Xatırladaq ki,“Avtosfera-2”layihəsinin əsas məqsədi sürücülük vəsiqəsi əldə etmək istəyən gənclərə bu istiqamətdə nəzəri və praktiki biliklərin verilməsi, cəmiyyətdə sürücülük mədəniyyətinin səviyyəsini yüksəltmək, yol təhlükəsizliyin təmin olunması istiqamətində məlumatlılığın artırılmasıdır.
