Müsavat başqanı İsa Qəmbər adıçəkilən partiyanın Məclisinin hazırda davam edən iclasında məruzəsində Müsavatı hədəfə alanlara, o cümlədən AXCP-yə qarşı sərt mesajlar verib.

AZXEBER.COM “müsavat.com”-a istinadən xəbər verir ki, İ.Qəmbər məruzəsində qeyd edib ki, Müsavat qarşı elə bil Səlib müharibəsinə başlayıblar.“Yayda “Ya Rüstəm İbrahimbəyov, ya da Rüstəm İbrahimbəyov” deyirdilər. İndi də “ya Milli Şura, ya da Milli Şura” deyirlər. Milli Şuranı müqəddəs inək kimi toxunulmaz elan ediblər”- deyən İ. Qəmbər bildirib ki, Milli Şura Xalq Cəbhəsi, gənclərsiz, ziyalılarsız mümkün deyil.Ancaq məgər bunlar başa düşmürlərmi ki, Milli Şura Müsavatsız da mümkün deyil. Bəziləri Milli Şurada Müsavatsız hər şeyin yaxşı olacağını deyirsə, deməli, bu adamlar Milli Şuranı dağıtmaq istəyirlər. Bizim Milli Şuradan çıxmaq fikrimiz yoxdur.Bizimlə dostluğa, əməkdaşlığa, müttəfiqliyə razı olmayan qüvvəyə biz necə etimad göstərə bilərik? 6 aylıq Milli Şuranı müqəddəs elan edənlər 100 illik Müsavat Partiyasına qarşı Səlib müharibəsi elan ediblər.Daim Rəsulzadə-Elçibəy yolunda olduğunu deyən qüvvələr bu gün Rəsulzadə ilə Milli Şuranın bugünki nümayəndələrini müqayisə edirlər, Rəsulzadəni hədəfə götürüblər. Bəlkə dayansalar yaxşıdır”-deyə, İ.Qəmbər daha sonra sözlərinə əlavə edib.