Türkiyədə işə düzəlmək üçün sağlamlıq arayışı almağa gedən şəxs xərçəng olduğunu öyrənib.
AZXEBER.COM Türkiyə mediasına istinadən xəbər verir ki, Halit Ergin adlı şəxs 23 yaşında işə düzəlmək üçün tibbi arayış almaq üçün getdiyi xəstəxanada xərçəng xəstəliyinə tutulduğunu öyrənib. 4 il müalicə alan xəstə bacısından ilik köçürüldükdən sonra həyatda qalıb.
Kiçik yaşlarından avtomobil sənayesi, yanacaqdoldurma məntəqələri kimi kimyəvi maddələrin çox istifadə edildiyi işlərdə atası ilə birlikdə işləyən Erginin güclü kanserogen maddələrə məruz qaldığı üçün xərçəngə tutulduğu öyrənilib.
Adətən 70 yaşlarında görülən və sümük iliyi çatışmazlığından qaynaqlanan miyelofibroz xəstəliyi diaqnozu qoyulan gənc xəstənin rutin nəzarətlərdən sonra erkən diaqnozla sağlamlığına qovuşduğu öyrənilib.
Pasientin həkimi bildirib ki, xəstəlik gec aşkarlansaydı, leykemiyaya çevrilə bilərdi:
"Sümük iliyi çatışmazlığının bədəndə göyərmə, dalaq böyüməsi, diş ətində qanama kimi əlamətləri var. Xəstəmizdə heç bir əlamət yox idi. Təsadüfən öyrənildi. Bu vəziyyətdə rutin nəzarətlərin nə qədər əhəmiyyətli olduğunu öyrəndik. Dərmanla müalicə olundu. Sonra sümük iliyi transplantasiyası əməliyyatı keçirdik. Sonradan fərq edilsəydi, beyin qanaması, daxili qanaxma, sümük iliyi çatışmazlığı səbəbindən ölümcül gedişatlı ciddi infeksiya və ya ağırlaşmalar kimi ağırlaşmalarla ortaya çıxa bilərdi. leykemiyaya çevrilə bilərdi. Erkən diaqnozun əhəmiyyəti bir daha ortaya çıxdı”.
Mikayıl
