AZXEBER.COM Karate üzrə dünya çempionu Şahin Atamov ilə müsahibəni təqdim edir:
-Şahin Atamov, yetəri qədər özünü idmanda göstərmiş
idmançısan. Deyərdim ki,bəlli bir yarışların ,turnirlərin qalibi
olmusan, dünya çempionu adını qazanmısan. Bir neçə aydan sonra
ölkəmizdə keçiriləcək İslam Həmrəyliyi oyunlarına hazırlıq prosesi
necə gedir?
-İlk olaraq onu qeyd edim ki,artıq 8 yaşımdan bu idmandayam. Yetəri
qədər ölkələrdəki yarış və turnirlərdə olmuşuq. Bu bizə artıq idman
karyeramızda kifayətdir ki,böyük idman layihələrdinə özümüzü idmançı
kimi göstərə bilək .
May ayında keçiriləcək İslam Həmrəyliyi oyunlarına hər bir idmançı
istəyər ki ,öz adını yazsın.Hazırlığımız həmişə olduğu kimi yüksək
səviyyədə davam edir.
Məşqçilərimizdən Rəhman Hətəmov, köməkçi məşqçi Rəşad
Hüseynov,Seymur Hüseynov,Şahin Xudaverdiyev bizimlə ciddi məşğul
olurlar.Onu da qeyd edim ki ,Şahin müəllim mənim şəxsi
məşqçimdir.Fiziki məşqlərimizdən Oqtay Məmmədov da bizə davamlı
olaraq, səhər-axşam olmaqla məşqlər keçirir.
- Şahin,səhər-axşam məşqi eynidir?Yoxsa səhər məşqi başqa,axşam
məşqi başqadır?
- Onu bizim məşqçilər təyin edir,amma davamlı olaraq səhər-axşam məşqi
olur. Məşqçilər hansısa yarış öncəsi daha gərgin məşq tələb edirlər.
- Oyunlar öncəsi xüsusi proqram varmı?Məşq toplanışları və s.?
- Əlbəttə,dediyim kimi məşqçilərimiz nəyi nə zaman edəcəyimizi daha
yaxşı bilir. O səbəbdən də məşqçilər tərəfindən oyunlar öncəsi xüsusi
proqramlar tərtib edilir,biz də artıq o proqramla davam edirik. İndi yarışlara təlim məşq toplanışlarına hazırlaşırıq.Nəticə olaraq
özümdən çox yaxşı nailiyyət gözləyirəm.
-Hər bir insanın,peşə sahibinin peşəsindən savayı sevimli
məşğuliyyəti olur.Sənin sevimli məşğuliyyətin nədir?
-Mən daha çox film izləməyi sevirəm, məna,marifləndirmə yönlü
filmləri sevirəm.Məsələn,deyərdim ki, idman psixologiyasına aid filmlər
izləyirəm ki,bu da mənə idman karyeramda daha ciddi şəkildə öz müsbət
təsirini göstərir.
