İsrail HƏMAS-la israilli məhbusları azad etmək üçün razılaşa bilər.
AZXEBER.COM xarici mediaya istinadən xəbər verir ki, bunu İsrailin müdafiə naziri Yoav Qalant məhbusların ailələri ilə görüşdə deyib.
"Bu müharibədə hüquq-mühafizə orqanları yalnız iki şeylə maraqlanır: Həmas-ın məğlubiyyəti və məhbusların geri qaytarılması”.
Qalant əsirləri hər vasitə ilə xilas etməkdə qərarlı olduqlarını və bunun razılaşma və ya əməliyyatla ola biləcəyini söyləyib.
HƏMAS-ın silahlı qanadı İzzəddin Əl-Qəssam Briqadaları oktyabrın 7-də səhər saatlarında İsrailin işğalı və pozuntularına cavab vermək səbəbi ilə genişmiqyaslı hücum həyata keçirərək xeyli israillini əsir götürərək Qəzzaya aparıb.
İsrail ordusu intensiv hücumlarını davam etdirdiyi Qəzza zolağında təxminən 240 israilli məhbus olduğunu bildirib.
İsrailli məhbusların azad edilməsi şərti ilə qarşıdurmada humanitar fasilə qəbul edə biləcəyini açıqlayan Təl-Əviv hökuməti Qəzza zolağına intensiv bombardmanlarını davam etdirir.
Qəssam Briqadaları, İsrail ordusunun intensiv bombardmanı nəticəsində əllərində olan təxminən 60 məhbusun öldürüldüyünü açıqlayıb.
Mikayıl
