Qəzza zolağında İsrail ordusu tərəfindən nəzarətə alınan 11 fələstinlinin sərbəst buraxıldığı bildirilib.
AZXEBER.COM xarici mediaya istinadən xəbər verir ki, HƏMAS-a bağlı Məhbusların Media İdarəsi məsələ ilə bağlı yazılı açıqlama yayıb.
Sərbəst buraxılan fələstinlilərin Qəzza zolağının cənubundakı Kerem Əbu Səlim Sərhəd Qapısından aparılaraq sağlamlıqlarının yoxlanılması üçün Xan Yunisin şərqindəki Qəzza Avropa Xəstəxanasına aparıldığı bildirilib.
İsrail ordusu 2023-cü il oktyabrın 7-dən etibarən işğalı və Qəzza zolağına hücumları boyunca qadın, uşaq və səhiyyə işçiləri də daxil olmaqla minlərlə fələstinlini həbs edib. Qəzzada saxlanılan fələstinlilərdən bəziləri azad edilsə də, bir çoxunun taleyi məlum deyil.
Fələstin Azadlıq Təşkilatına bağlı Əsirlər və Azad Edilənlər Şurasının məlumatlarına görə, Qəzza zolağından saxlanılan 1747 fələstinlinin İsrail həbsxanalarında saxlanıldığı təxmin edilir.
Oksana
