"Hazırda HƏMAS ilə danışıqlar aparılmır”.
AZXEBER.COM xəbər verir ki, bu sözləri İsrailin Xarici İşlər Nazirliyinin rəsmi nümayəndəsi Lior Hayat jurnalistlərin suallarını cavablandırarkən deyib.
"Xeyr, biz HƏMAS ilə heç bir danışıqlar aparmırıq. Dövlətimiz müharibə vəziyyətindədir və hesab edirik ki, hazırda heç bir danışıqlar mümkün deyil. Biz bunu heç müzakirə etmirik”, - Hayat vurğulayıb.
O əlavə edib ki, İsrailin Fələstinin radikal HƏMAS hərəkatına qarşı hərbi əməliyyatı uzun müddət çəkəcək.
