"İsraillə Azərbaycanın hər zaman, Sovet dövründə də yaxşı dostluq münasibətləri olub. Azərbaycan müstəqillik qazandıqdan sonra müstəqilliyimizi tanıyan ilk ölkələrdən biri də İsrail oldu. 1993-cü ildə isə İsrail Azərbaycanda səfirliyini açdı. Demək olar ki, 30 il sonra səfirliyimizi İsraildə açırıq. Bu gün də açılış olacaq. Azərbaycan Xarici İşlər naziri Ceyhun Bayramov da artıq oradadır. Oraya ilk səfir Muxtar Məmmədov təyin olunub və o, artıq etimadnaməsini rəhbərliklərə təqdim edib”.
Bu sözləri AZXEBER.COM-a açıqlamasında politoloq Elşad Həsənov deyib.
O qeyd edib ki, İsrail dövləti bizimlə strateji tərəfdaşdır, çox sıx münasibət saxlayan ölkədir və bizi daim dəstəkləyir: "Beynəlxalq arenada, BMT-nin təşkilatlarında, Avropada olan hər hansı məsələlərdə daim bizə dəstək olur. Bunun səbəbi də Azərbaycanda yaşayan dağ yəhudilərinə bizim tərəfimizdən göstərilən tolerant münasibət, onlara heç bir ayrıseçkilik olmadan digər xalqlar kimi Azərbaycan Konstitusiyası çərçivəsində yaşayıb-yaratmasıdır. Onlara olan dostluq, qardaşlıq münasibətlərindən çox razıdırlar. Buna görə də daim Azərbaycanı dəstəkləyirlər”.
Politoloq qeyd edib ki, bu gün açılacaq səfirlik Azərbaycanla İsrail arasında diplomatik əlaqələrin daha da genişlənməsinə səbəb olacaq:
"44 günlük Vətən müharibəsində dövründə də bizim "din qardaşları”mız, fars-molla rejimi bizim düşmənlərimiz olan ermənilərin yanında oldular, onlara kömək oldular. Amma İsrail dövləti isə Azərbaycanın öz torpaqlarını azad etməsi üçün əlindən gələn köməyi etdi. Biz daim İsrail dövləti ilə sıx münasibətlərdə olmuşuq. Bu da bizim dostluğumuzun qədim tarixə malik olduğunu göstərir. Biz onlarla daim dostluq və qardaşlıq şəraitində yaşamışıq. Ona görə də bu gün açılacaq səfirlik Azərbaycanla İsrail arasında diplomatik əlaqələrin daha da genişlənməsinə və yeni bir müstəviyə qalxmasına səbəb olacaq”.
Aydın Nuri
