İsrailin Livanın cənub və şərq bölgələrinə şiddətli hücumları nəticəsində 31 nəfər həyatını itirib.
AZXEBER.COM Türkiyə mediasına istinadən xəbər verir ki, bu barədə Livanın Səhiyyə nazirliyi məlumat yayıb.
Nazirlikdən verilən açıqlamada bildirilib ki, ölkənin cənubundakı Nəbatiyə bölgəsində Mülki Müdafiə Dərnəyinin istifadə etdiyi bir nöqtəyə edilən hücumda 4-ü tibb işçisi olmaqla 6 nəfərin həyatını itirib.
Ölkənin şərqindəki Baalbekin Şaab bölgəsinə edilən hücumda 5-i qadın olmaqla 8 nəfərin öldüyü, 27 nəfərin yaralandığı qeyd edilib.
Ölkənin cənubundakı Sur bölgəsində bir evin hədəfə alınması nəticəsində 5 nəfərin öldüyü, 7 nəfərin yaralandığı bildirilib. Bundan əlavə Surun Qana bölgəsinə edilən hava hücumunda 2 nəfərin həyatını itirdiyi də bildirilib.
İsrailin hücumlarında Nəbatiyyənin Hasbaya bölgəsində 1 fermerin öldüyü, Beyad bölgəsində hədəf alınan evdə 3-ü suriyalı olmaqla 4 nəfərin həyatını itirdiyi bildirilib.
Oksana
