İsrailin xarici işlər naziri İsrael Katz HƏMAS ilə əsir mübadiləsinin ikinci mərhələsi üçün danışıqlara başlayacaqlarını açıqlayıb.
AZXEBER.COM xarici mediaya istinadən xəbər verir ki, İsrail administrasiyası karvanların və ağır texnikanın Qəzza zolağına daxil olmasına icazə verməyi nəzərdən keçirir.
Lakin bu proses girov mübadiləsi danışıqları ilə birlikdə davam edəcək.
Digər tərəfdən Qətər Xarici İşlər Nazirliyinin sözçüsü danışıqlar prosesini tam dəstəklədiyini və prosesin irəliləməsi üçün sıx səy göstərdiklərini açıqlayıb.
Rəsmilər danışıqların ikinci mərhələsinin başlanması üçün müsbət ab-havanın yarandığını, lakin hələlik rəsmi irəliləyişin olmadığını bildiriblər.
Atəşkəs razılaşmasının ikinci mərhələsinə keçmək üçün birinci mərhələnin tam şəkildə həyata keçirilməli olduğu vurğulansa da, Qəzzadakı münaqişələrin gedişatının birbaşa olaraq danışıqlara təsir etdiyi bildirilib.
Qeyd edək ki, yanvarın 19-da qüvvəyə minən üç mərhələdən ibarət razılaşmanın birinci hissəsində 766 fələstinli, 16 İsrail və 5 Taylandlı məhbus azad edilib.
Üç mərhələdən ibarət plana əsasən, ilk 42 gündə cəmi 1900-dən çox fələstinli və 33 israilli məhbusun azad edilməsi nəzərdə tutulur.
